TEMA Üüretim uurunda gagauz dilin paalılıını urgulamak hem evlatlarda oluşturmak.
Direktor, gagauz dili hem literatura üüredicisi
KOÇANJI NADEJDA
Saygılı vatandaşlar!
Şükür deerim öndercilerimä, ki verildi kolaylk burada, bölä üüsek uurda söz tutmaa! Dalgalanêrım! Sevinerim! Canabinizlerä baş iilderim!
Paalı dostlar, Canabinizlerä kutlamak sözüm!
30 yılın süresindä, hodullanarak, bütün dünneyi gagauzlarlan tanıştırêrız.
Gagauz olarak, göstereriz kendi birliimizi, girginniimizi, çalışkannıımızı.
Yıl yıldan kattırêrız taa çok insan kulturamıza, adetlerimizä, tanıştırêrız gagauzluun deerin ruh özünnän. Boydan boya, evlattan evlada etiştirelim gagauz dilin şıralı ötmesini, keskin sesini, aarif sözünü.
Gagauziyanın 30- cu yıldönümü kutluca olsun! Gagauziyamız ilerlesin!Koruyalım, ilerledelim, paasını duyalım!
En ilkin isteerim belli etmää kimi postulatları! Lafedärkän üüretim ıçın, biz lääzım esaba alalım onnarı.
Şkola büün taşiyȇr büük ük! O aldı üstünä – GELÄN EVLAT BOYLARINI ÜÜRETMÄÄ HEM TERBİETMÄÄ! Şkola GELECEK ZAMAN İÇİN cuvapçi olȇr!
Bu bizi pek kuşkulandırȇr, dikatımızı çeker!
Üüretimdä koyulȇr büük kuvet hem çalışmak. Var nica sıralamaa çok türlü okullarda kızıştırılan hem yapılan iş çeşitlerini hem meropriyatiyaları, ki GAGAUZLUUMUZ korunsun deyni: yortular, toplantılar, sözleşmäk saatları, buluşmaklar, prezentaţıyalar, konkurslar, aaraştıpmak ışleri, olimpiadalar, onlayn akţıyalar, dekadalar, intelektual oyunnarı, sergilär, festıvallar… Var nica taa avşamadan onnarı sıralamaa da vakıt etişmeecek. Ama çıkış böläydir:
30 yılın uzunnunda üüretim açtı kapuları hem koydu temel GAGAUZ DİLİ HEM LİTERATURA biliminä diil sade okullarda, ama uşak başçalarındada gagauz dilini ilerlederlär masuz zanaatlarda.
