Födor Afanasyeviç Angeli – (1935-2014) – filologiya bilimneri doktor, politika zaametçisi, diplomat, çevirici, bilim işlär avtoru.

 Födor Angeli duudu 1938 yılda Haydar küüyündä gagauz aylesindä. Edi yıllık üüretimi kabletti küü şkolasında, sora orta üüretimi başardı Çadır-Lunga şkolasında. M.Lomonosov adına Moskva devlet universitetinin Aziya hem Afrika devletlär institutunda kabletti üüsek üüretimi.

 1967-1972 yıllarda Rumıniya “Haberlär” basım agentliin korespondentiydi, 1974-1979 yıllarda da – Rumıniya “Dooruluk” gazeta korespondentiydi.

 1983-1990 yıllarda Molodva informaţiya agentliin (ATEM) başıydı, 1990 yıldan 1994 yıladan Moldovada İTAR-TASS Büro başıydı, çalıştı korespondent Sovet Birlii Devlet Teleradioda. Kabletti ad “Moldova Respublikasının şannı jurnalisti”.

 Çok taraflı insandı, onun vardı türlü üürlarda profesional becermeleri. Onnar da yardım ettilär Födor Afanasyeviçä olmaa Moldova SSR Üüsek soveti deputatı, sora da Moldova Respublikası Parlament deputatı.

 Födor Angeli yazdı çok iş istoriya, halklararası politika hem milletlärarası ilişkilär soruşlarında.

 Talantlı çevirici gagauz dilinä çevirdi Aleksandr Puşkinin masallarını, Mihay Emineskunun, Vasile Aleksandrinin, Grigore Vierunun annatmalarını, uşak avtorun Agniya Bartonun peetlerini; hazırladı birkaç sözlük.

 Politika hem devlet zaametçisi Födor Angeli pay aldı Moldova Konstituţiyasını hazırlamakta.

 Kendi bilim hem politika başarıları için Angeliya verildi en üüsek Moldova ödülü – “Respublika Ordeni”, hem dä “Saygı ordeni”. Kabletti adı “Gagauziyanın saygılı vatandaşı”.

 2014 yıldan Haydar küüyü gimnaziyası taşıyȇr Födor Afanasyeviç Angelinin adını.

Читать далее