HAYDAR GIMNAZIYASINDA GEÇTI GAGAUZIYANIN 25-CI YIL DÖNÜMÜNÄ ADANMIŞ YORTU

Todur Angeli adına Haydar gimnaziyasında dekabrinin 19 geçti Gagauziyanın 25-ci yıl dönümünä adanmış yortu. Yortunun örüyüşü düzülüydü ölä, ki üürenicilerdä oldu kolaylık tanışmaa gagauzların Bucaa gelmesinnän, Haydarın peydalanmasınnan, ilk gagauz üüredicilärlän, Haydarda 25 yılın süresindä diişilmeklärlän.Yortunun musaafirleri: Gagauz Yeri Genel Üüretmäk Müdürlüün yardımcısı Anna Russu, küü yaşayannarı — Födor Kuru hem Georgiy Çeban. Musaafirlär meetettilär üürenicilerin gagauz dilindä şıralı sözlerini, kutladılar yortuylan hem dua ettilär Gagauzluun ilerlemesi için. Yortu geçti duygulu, meraklı hem faydalı. «Gagauziya ilerlesin, dilimiz dä koorunsun!», — bölä önemli laflarlan üüreninicilär başardılar meropriyatiyayı.