RENKLI BOYALARIN YORTUSU,
28.01.2026
🌟🌟 Bugűn 5-6 klastan ürenicilärlän barabar katıldık pek gőzel hem merakli dış meropriyatiyaya Tehnologiya disţiplinasında
🌈🎨🖌️ RENKLI BOYALARIN YORTUSU, hangısı geçti şıralı ana dilimizdä.
🧑🎓Űűredici Любовь Чебан űűrenicilerlän birliktä hazırladılar şiirleri, bilmeceyleri hem annattılar renkler íçin.
🎨🖼️Bundan başka çok meraklandirici buluşma oldu genç yaziciylan Űliya Kurdoglo, hangisi annatı Dmitriy Savastinin yàşamasi hem resim yaratmaları için.
Bibliotekacimız Мария Топал hazırladi Gagauz hem Moldova resimcilerinin sergisini, nerede őnemni resimcileri hem onnar için yaratmalari bulabiliz!!
🙏🙏🙏Çok meraklandim, duygulandim, hodulandim!
Akına Bizim, Gagauzlarin zengin hen geniş kulturamız var!
✨✨✨Koruyalim, kaybetmeyälim hem bildirelim herkezä kendi kulturamizi, dilimizi!✨✨✨✨
Yanvarın 29 incä zanaat haftasında Todur Angeli adına Haydar gimnaziyasında geçti klastan dış meropriyatiya «Renkli boyaların yortusu». Toplantıda Çeban L. G., incä zanaat terbietmesi üüredicisi, hazırladı pay almaa deyni üürenicileri 5,6,7 klaslardan. Meropriyatiyanın süresindä uşaklar annattılar şiir, çaldılar maani, resimnedilär. Bibliotekanın öndercisi, Mariya Vasilyevna, kiyat sergisindä bulunan gagauz resimcilär için yazıları açıkladı.
Meropriyatiyada pay aldı Haydar küüyün yazıcıların biri-Yuliya Kurdoglo. Musaafirimiz annattı D. Savastin için, açıkladı resimcinin yaşamasından kimi sayfaları, gösterdi şannı adamın kendi elinnän yapılı resimnerini.
Toplantı oldu faydalı uşaklarımıza.
Hepsi paylaştı kendi duygularınnan, postera geçirdilär kendi kefini.
Bölä buluşmakları lääzım ilerletmää, Gagauziyanın anılmış insannarını bilmää, gelän evlad boylarına etiştirmää.
